MONALISA CHINDA AKEREKA KUAMBIWA NI MSAGAJI

 

Monalisa Chinda.

WIKI iliyopita, mitandao ya kijamii na mingine, ilisambaza picha inayomwonyesha staa wa Nollywood, Monalisa Chinda akimbusu rafiki yake wa kike shavuni karibu na mdomo, kitendo kilichotafsiriwa na wengi kuwa kinahusisha mapenzi ya jinsi moja ‘usagaji’, lakini habari ni kuwa mwigizaji huyo amefura kwa hasira.
“Sina muda wa kujibu taarifa za kipuuzi kama hizo kwa kuwa nipo bize. Kama watu wanaona ni sahihi kupika stori wanaweza kuendelea na upuuzi huo. Nilikuwa kwenye wakati mzuri wa kusherekea na dada yangu. Watu wote tulikuwa tukipiga picha za wazi, kwa ni nini wao watafsiri jambo kama hilo!” alisema Monalisa kwa hasira.

WOLPER, WEMA HII INAWAHUSU

ZARINAH Zaitun Hassan ‘Zari’ ni mwanamuziki, mtangazaji na mfanyabiashara mrembo wa Uganda mwenye umri wa miaka 30, akiwa ni mama wa watoto wawili, aliyeolewa na Ivan Semwanga, utambulisho unatosha.

Katika makala hii, Zari ni mfano mzuri wa kuigwa na mastaa wetu wakiwemo waigizaji wa sinema za Kibongo, Jacqueline Wolper Masawe na Wema Isaac Sepetu kwani ni wa levo yake kiustaa.
Zari anatajwa kuwa ndiye mwanadada mzuri na mwenye mvuto zaidi Afrika Mashariki ambaye pia anashika namba moja kwa wanawake matajiri wa Uganda, akiongoza kwa kuingiza mshiko mrefu, kumiliki majumba na magari ya kifahari kama yale ya mastaa wa Kimarekani.
Zari amepata mafanikio makubwa  katika muziki na kipindi chake cha The Boss Lady kwenye Runinga ya UBC nchini humo, kinachomuingizia mkwanja mrefu kutokana na matangazo kikifananishwa na kile cha mwanamitindo wa Marekani, Kim Kardashian cha Keep Up With The Kardashians.
 Kwa mujibu wa Jarida la Times la Uganda, huenda Zari akaingia kwenye orodha ya wanawake matajiri zaidi Afrika siku chache zijazo endapo ataendelea kuzichanga.
Zari mwenye maskani yake Kampala na Afrika Kusini, anamiliki ndinga kibao za kisasa na zenye thamani kubwa kama BMW (2006) lenye thamani ya dola 47,000 (Sh. milioni 75.2), Black Chrysler (2008) linalouzwa dola 16,000 (Sh. milioni 25.6) na Audi Q7 (2010) linalogharimu dola 53,000 (Sh. milioni 84.8).
Mengine ni Silver Chrysler (2008) lenye thamani ya dola 13,000 (Sh. milioni 20.8), Jetta Volkswagen (2006) linalogharimu dola 27,000 (Sh. milioni 43.2), Mercedes Benz Convertible (2008) linalouzwa dola 26,000 (Sh. milioni 41.6), Range Rover Sport (2010) lenye thamani ya dola 109,000 (Sh. milioni 174.4), Lamborghini Gallardo (2010) linalogharimu dola 198,000 (Sh. milioni 316.8), Hummer H2 la dola 150,000 (Sh. milioni 240) na mengine mengi, yote yakiwa na jina lake badala ya namba za usajili.
Pia bidada huyo anamiliki maduka, hoteli na majumba ya kisasa kwenye miji mikubwa ya Pretoria na Cape Town nchini Afrika Kusini na Kampala, Uganda.
Lengo langu ni kutoa changamoto kwa mastaa wetu wanaotembelea magari ya kuazima, kukodisha au kuhongwa. Ipo mifano kibwena ya mastaa wa Kibongo wanaoishi kwa mizinga, kuhongwahongwa, ukuwadi lakini wenye mbwembwe na makeke mjini kumbe hawana lolote. Tujifunze kutoka kwa Zari!

JENNIFER KYAKA (ODAMA0 KUACHIA FILAMU MPYA YA CHOCOLATE MWEZI UJAO

Kampuni ya J-Film 4 Life chini ya Mkurugenzi Jennifer Kyaka (Odama) inapenda kukujuza kuwa mwezi Septemba 2012 itaachia filamu mpya ya Chocolate.

Mdau wangu naomba ukifika huo mwezi, wahi dukani na kununua filamu hii ambayo itakufanya uwe mtu wa tofauti kwa yale yaliyoigizwa. Tumekuelimisha, tumekufundisha, tumeadibisha na kukuburudisha.

J-Film 4 Life imehakikisha filamu ipo katika viwango vya kimataifa hasa sauti na video kwa ujumla.

Pata kuona hii trailer

SYLVIA SHALLY, KOLETA WADAIWA MAWIGI

MASTAA ‘first class’ katika kiwanda cha filamu Bongo, Sylvia Shally na Coletha Raymond ‘Koleta’ wanadaiwa kukopa mawigi dukani na kuingia mitini.
Sakata hilo la aina yake limeibuliwa hivi karibuni ambapo Flora Mwande maarufu kwa jina la ‘Gari Kubwa’ mkazi wa Mbagala, Dar alisema anawadai kwa muda mrefu mastaa hao fedha za bidhaa mbalimbali yakiwemo mawigi.
Gari Kubwa alisema kuwa yeye ndiye anayewapendezesha mastaa hao kwa kuwakopesha nywele, pete, cheni na vitu vingine vya kike vyenye mvuto lakini mwisho wanampiga chenga kulipa fedha zake na kuingia mitini, jambo ambalo alidai limekuwa likimrudisha nyuma kimaendeleo.
“Sylvia alikuja dukani kwangu, Sayansi, Kijitonyama (Dar) Februari 17, 2011 akakopa nywele akisema yuko kwenye maandalizi ya kwenda nchini Nigeria. Alichukua ‘lesi wigi’ lenye thamani ya shilingi 150,000 lakini hajanilipa hadi leo. Mbaya zaidi hapokei simu yangu, inaniuma sana,” alisema Gari Kubwa.
Aliongeza: “Siyo huyo tu, Koleta naye alikuja kwangu Januari 5, 2011 na kukopa ‘lesi wigi’ na pete, vyote vikiwa na thamani ya shilingi 170,000. Hajalipa, nikimdai anasema eti simdai ina maana mimi sina akili timamu? Mimi mtu mzima najua ninachokifanya bwana.
“Wito wangu kwao aisee walipe fedha zangu, nitafurahi sana.”
Mwandishi wa gazeti hili alifunga safari mpaka nyumbani kwa Koleta, Makongo Juu, Dar na kusomewa mashitaka yake ambapo alifunguka:
“Katika maisha yangu naogopa sana dhuluma. Ni kweli Gari Kubwa ananidai shilingi 100,000, tatizo anaongeza fedha kila kukicha, mara anadai 170,000, mara 150,000. Mimi najua ilibaki 100,000 nitamlipa nikipona, si unajua kwa sasa naumwa?” alisema Koleta.
Akaongeza: “Halafu anakera sana huyo mama, ukikopa kitu kwake lazima akutangaze, siku moja Uwoya nilimuomba aniuzie cheni yake, nikawa nimesahau ATM kadi nyumbani, nikashangaa ananiambia nisimfanye kama alivyofanya Sylvia kwa Gari Kubwa, nikajua kumbe hata Sylvia anadaiwa.”
Paparazi wetu alimsaka Sylvia kwa simu zake za mkononi bila mafanikio. Jumatatu ya Agosti 20, 2012 akatumiwa meseji lakini hakujibu.
Jumanne ya Agosti 21, saa 3:30, 3:45 na 4:11 asubuhi Sylvia alipigiwa simu lakini pia hakupatikana.

Posted by VITUKO VYA MTAA at Thursday, August 23, 2012 

MFAHAMU ANT LULU NA HISTORIA YAKE

ASILI yake ni huko mkoani Tanga yalikozaliwa mapenzi! Anatokea kwenye kabila wa Wabondei. Jina lake lilianza kukua kupitia ulimwengu wa habari. Alikuwa mtangazaji akapitia katika Shindano la Kimwana Manywele Twanga Pepeta 2006/07 na sasa anafurukuta zaidi katika ulimwengu wa filamu za Kibongo.
Anaitwa Lulu Mathias Semagongo ‘Aunt Lulu’. Amezaliwa mwaka 1987 jijini Dar. Mwaka 1993 alijiunga na Shule ya Msingi ya Kumbukumbu ya Dar na kufanikiwa kumaliza masomo mwaka 1999.
Mwaka 2000, Aunt Lulu alijiunga na Shule ya Sekondari ya Kisutu hadi alipohitimu mwaka 2004.
UTANGAZAJI
Kipaji kwa Aunt Lulu kilijionesha waziwazi tangu akiwa shule ya msingi. Mwaka 1998 hadi 2003 alikuwa akitangaza kipindi cha watoto cha Redio One na ITV kilichojulikana kwa jina la Watoto Show.
Mwaka 2004 hadi 2006, mkali huyo aliyeonesha cheche katika kutumia kipaza sauti, alihamia Redio Magic FM ya jijini Dar. Akiwa hapo alitangaza kipindi kilichofahamika kama Ulingo wa Watoto, wakati huohuo akiwa kwenye mtandao wa vijana uliokuwa ukijishughulisha na matatizo yanayowakabili watoto chini ya mfuko wa shirika linalojishughulisha na haki za watoto duniani la UNICEF.
KIMWANA MANYWELE
Mwenye kipaji siku zote siyo mwenzako, mwaka 2006, Aunt Lulu alijitosa kwenye Shindano la Kimwana Mwanywele wa Twanga Pepeta lililokuwa likitafuta mnenguaji bora. Aunt Lulu alijishindia taji hilo na kunyakuwa zawadi ya gari.
Mara baada ya kuongezeka jina lake kupitia Kimwana Manywele, Aunt Lulu alitumia nafasi hiyo kusoma kozi fupi za kompyuta kabla ya kujiunga na kampuni ya Bench Mark Production mwaka 2007.
“Bench Mark Production nilikuwa kama Assistant Producer, pia nilikuwa host wa kipindi cha Wimbo kilichorushwa kupitia ITV,” anasema.

ARUDI DARASANI
Mwaka 2008, mtangazaji huyo alirudi darasani akasomea kozi ya Kingereza pale British Council, Dar na kufanikiwa kuhitimu masomo hayo katika ngazi ya cheti (advance certificate).

SKENDO
Maisha ya Aunt Lulu yaliendelea kushamiri katika kazi ingawa pia aligubikwa na skendo za hapa na pale kama ulevi wa kupindukia na mengine mengi yanayofanana na hayo. Mara kakutwa amelewa klabu, mara kanaswa sehemu na mwanaume na mengineyo.

UTANGAZAJI TENA
Mwaka 2009 hadi 2011, Aunt Lulu mwenye matukio kibao mjini, alipata nafasi ya kutangaza katika Televisheni ya C2C. Aliposimama kutangaza mwaka 2011, aliamua kuingia kwenye darasa lihusulo taaluma yake ya utangazaji. Akajiunga na Shule ya Uandishi wa Habari na Mawasiliano ya Umma (SJMC) kilichopo Makumbusho jijini Dar na kufanikiwa kupata cheti.

FILAMU
Mwaka 2012, Aunt Lulu amekuja kivingine baada ya kugundua ana kipaji cha uigizaji. Kwa kukubali ushauri aliopewa na mpenzi wake (Bond Bin Salim), akaanza kuigiza chini ya Kampuni ya Richard Dyle Bezuidenhout (Richard wa BBA).

ANAFANYA NINI KWA SASA?
Mpaka leo, Aunt Lulu bado anafanya shughuli za U-MC katika sherehe mbalimbali huku akiwa ameelekeza nguvu zake katika ulimwengu wa filamu za Kibongo.

MAFANIKIO
Mwenyewe anasema mafanikio makubwa zaidi ni kujulikana, ukiacha kiwanja chake alichonunua ambacho bado hajaanza ujenzi.

GARI LA WOLPER SOKONI

KUNA madai kwamba ule ‘mkoko’ wa kifahari wa staa wa maigizo Bongo, Jacqueline Wolper aina ya BMW X6 lenye Namba za Usajili T574 BXF linatarajiwa kuingizwa sokoni wakati wowote na Mamlaka ya Mapato Tanzania (TRA) baada ya muda aliopewa nyota huyo kulipia deni lake la kukwepa ushuru wa shilingi milioni 70 kupita bila mwenyewe kusema chochote.Kwa mujibu wa chanzo chetu, ‘mchuma’ huo ambao ‘umetaitiwa’ na Kampuni ya Udalali ya Majembe ya jijini Dar es Salaam kwenye yadi yao ya Mikocheni, umekuwa ukipata wateja kila kukicha ambao wanakwenda kuulizia siku ya mnada.Chanzo kingine kilisema kuwa mbali na wateja kumiminika yadi ya Majembe, kumekuwa na usumbufu mwingi kwenye ofisi za TRA, Posta jijini Dar ambapo baadhi ya matajiri nao wamekuwa wakilifukuzia gari hilo kwa lengo la kulinunua.“Tunashangaa sana, watu na fedha zao wanakuja hapa kulitaka gari la Wolper, mbona kuna magari mengi yapo toka mwaka juzi (2009) hawaji kuyanunua au kwa sababu hili ni la supastaa wa Bongo?” alihoji mfanyakazi mmoja wa TRA akiomba jina lake lisitajwe .
Akaongeza: “Unajua tatizo liko wapi? Baadhi ya wafanyakazi wa TRA nao wamekaa mkao wa kusubiri siku ya kutajwa kwa tarehe ya kulipiga mnada gari hilo ili wasuke mipango ya kupata cha juu kutoka kwa matajiri watakawaopigia debe na kushinda,” kilisema chanzo.
Amani lilipoongea na Wolper kuhusu gari lake hilo likitaka kujua nini kitatokea kama hatalikomboa kwa siku alizopewa na TRA ambazo zimepita, alijibu hivi:
“Kisheria gari linatakiwa likombolewe ndani ya miezi mitatu lakini mimi niliandikisha kuwa kwa mwezi mmoja nitakuwa tayari nimemaliza kila kitu. Hata hivyo, kimsingi na mimi nilimfikisha polisi Ndama Mtoto wa Ng’ombe ambaye alisimamia ununuzi wake mwanzo hadi mwisho. Kwa hiyo kama ni kukwepa ushuru ni yeye.
Gari la Wolper lilikamatwa Juni 28, 2012 kwa madai ya kukwepa ushuru, hadi Agosti 28, mwaka huu litakuwa limefikisha miezi mitatu ambayo ni ya kisheria lakini mwezi mmoja aliotaka Wolper uliisha Julai 28, 2012 hivyo kutoa fursa kwa TRA kutangaza siku ya kulipiga bei.
Wolper alilinunua gari hilo kwa shilingi milioni 250 za Kitanzania likiwa na sifa nyingi tofauti na magari mengine.

MAINDA AKANUSHA KUDAIWA KUKATALIWA UKWENI

 

Ruth Suka ‘Mainda’

Mwigizaji wa picha za Kibongo, Ruth Suka ‘Mainda’ anadaiwa kukataliwa ukweni na mkwewe wa kike anayefahamika kwa jina la Mama Kigosi au Mama Ray.
Kwa mujibu wa chanzo cha kuaminika, mama Ray hampendi Mainda kiasi cha kutopenda kumuona akifika nyumbani kwake.
“Unajua mama Ray hampendi Mainda, aliwahi kumwambia Ray kuwa, asimuone msichana huyo nyumbani kwake kwani anahisi yeye ndiye anayumbisha maisha ya mwanaye,” kilisema chanzo hicho.
Baada ya ishu hiyo, waandishi wetu waliingia mzigoni na kumwendea hewani Mainda na kummwagia upupu na hivi ndivyo ilivyokuwa;
Mwandishi: Haloo Mainda!
Mainda: Haloo dada, unasemaje?
Mwandishi: Kuna habari zimetufikia zinasema kuwa hukubaliki ukweni.
Mainda: Jamani sipendi kuongelea mambo hayo kabisa, kwanza nipo shooting.
Baada ya mazungumzo hayo, mwandishi wetu alikata simu na kumtafuta siku iliyofuata ambapo mazungumzo yalikuwa marefu huku Mainda akiahidi kufika ofisini kwetu ili kutoa ufafanuzi.
Hata hivyo, Mainda alidharau na kuendelea na kazi zake ambapo waandishi hawakukata tamaa walimwendea hewani siku mbili zilizofuata na mazungumzo yalikuwa kama ifuatavyo.
Mwandishi: Haloo Mainda!
Mainda: Niambie dada.
Mwandishi: Mainda inasemekana wewe na mama mkwe wako hampatani, anadai wewe unamsababishia mwanaye kuyumba kimaisha kwa mambo ya kindumba, unaliongeleaje hilo?
Mainda: (huku akiangua kilio) Jamani, jamani hivi ni nani anayewaleta habari mbaya hivyo, kwanza mimi sijawahi kwenda kwa mganga hata siku moja, nimeokoka na siwezi kufanya hivyo.
“Ninajua wanaoleta habari hizo ni Bongo Movies, sijui nimewakosea nini lakini nakuja ofisini kwenu mniambie hao watu kwani wananichukia na ninyi mnawalea.”
Baada ya Mainda kuzungumza hayo, habari ilisitishwa na kumsubiri Mainda afike ofisini kwetu lakini hadi tunaandika habari hii zilipita siku mbili bila staa huyo kufika ofisini kama alivyoahidi.

SHILOLE: FLORA ASIJISHAUE

STAA wa filamu na muziki Bongo, Zuwena Mohammed ‘Shilole’ amekanusha kupokelewa mjini na mwenzake Flora Mvungi na kumtaka  msanii huyo aache kujishaua kwani yeye ndiye aliyempokea mjini.
Shilole aliiambia Tollywod Newz juzikati jijini Dar kwamba, Flora aache kujishaua kwani wakati alipokuwa akiingia mjini yeye (Shilole) ndiye aliyempokea na kushangaa kusikia akijitapa tofauti.
“Mwambieni asijishaue, tena aache kujitafutia umaarufu usiokuwa na maana, miye ndiye niliyempokea mjini enzi hizo, iweje leo anigeuke?” alihoji Shilole ambaye hivi sasa anatamba na muziki wa mduara.
Hivi karibuni, Flora aliripotiwa akisema kuwa, yeye ndiye aliyempokea Shilole wakati alipokuwa akiingia jijini Dar.

KUPA ANASWA!

STAA wa filamu Bongo, Idrisa Makupa ‘Kupa’ juzikati amenaswa na demu mmoja ambaye jina lake halikufahamika mara moja na kudai kwamba ndiyo ‘mtu wake’ kwa sasa.
Ishu hiyo imepigwa chabo na paparazi wetu, siku ya Idd Mosi katika Ukumbi wa Mango Garden Kinondoni, jijini Dar wakati Bendi ya The African Stars ‘Twanga Pepeta’ ilipokuwa ikishusha burudani.
Mara baada ya kuwaona wawili hao wakipeana kampani kama Mr na Mrs, paparazi wetu aliwafotoa picha kadhaa kisha, akaomba ufafanuzi kutoka kwa Kupa ambapo alisema:
“Aah! Siku zote mnaniuliza sana juu ya mpenzi wangu sasa hapa ndiyo nimefika, sioni wala sisikii na nimetulia, nitamtambulisha rasmi hivi karibuni.”

SHILOLE ANAPENDA ‘SERENGETI BOYS’

STAA wa filamu na muziki wa mduara Bongo, Zuwena Mohamed ‘Shilole’ anadaiwa kuwa ni moto wa kuotea mbali kwa kupenda uhusiano wa kimalavidavi na vijana wadogo a.k.a Serengeti boys anaowazidi umri.
Hot 2 Hot imenong’onezwa kuwa mwanadashosti huyo alikuwa akifanya siri lakini sasa imevuja kwamba amekuwa akibanjuka na damu changa mfano ukitolewa kwa wasanii wenye ‘eji’ ndogo ambao aliwahi kujilainisha kwao kwa kuwahonga visenti na kuwapa gari lake watembelee ‘tauni’.
Baada ya kuzitia ‘nyiuzi’ hizo masikioni, Hot 2 Hot ilimnyatia bosi huyo wa Shilole Classic na kumsomea mambo yake yote, ndipo akatanua kinywa:
“Ninavyojua mapenzi hayachagui umri mkubwa wala mdogo, nawashangaa hao wanaosema hivyo, sasa wanataka niwe na wazee? Mimi ni kijana, lazima niwe na uhusiano na vijana wenzangu.”

BABY MADAHA ASHIKWA KALIO MBELE YA MENEJA

STAA wa filamu na Bongo Fleva, Baby Joseph Madaha (pichani) amesababisha msala baada ya kushikwa kalio mbele ya meneja wake, Mercey Kayuni, Bongowood ilinasa tukio hilo lililojiri wikiendi iliyopita kwenye Baa ya Uhuru Peak, Kinondoni, Dar.Wakati Baby akiwa amepozi na meneja wake huyo wakibadilishana mawazo, ghafla njemba moja ilikatiza jirani na staa huyo kisha kujifanya kumfahamu na kupitisha mkono kisha kumshika, jambo lililosababisha mshikemshike wa vita ya maneno hadi walipotulizwa.

KASHI ADAIWA KUPIGWA NDOA KWA SIRI

Jaji Khamis ‘Kashi’.

STAA wa filamu za Kibongo, Jaji Khamis ‘Kashi’ anadaiwa kupigwa ndoa kwa siri ikiwa ni muda mrefu tangu alipofanya kitchen party kwa ajili ya kuolewa na mwanaume mwingine tofauti na aliyemuoa sasa, chanzo kimeeleza.
Baada ya kupata nyiuzi kuwa Kashi alimmwaga mchumba’ke Brown na kumpata mwanaume mwingine aitwaye Musa wakafunga ndoa, Bongowood ilimtafuta msanii huyo ambaye alidai kuwa mumewe kamfunga mdomo hivyo hasemi lolote.

WEMA NA SNURA URAFIKI WA KINAFIKI

 

USHOSTITO wa Wema Sepetu na Snura Mushi uliodumu kwa miezi kadhaa umeraruliwa ukidaiwa kuvunjika kwa kuwa ulikuwa wa kinafiki kutokana na kuvunja kiapo walichokula runingani kuwa hatawaachana, Ijumaa Wikienda limejazwa werawera na wabaya wao.
MTU WA KARIBU ATIRIRIKA
Kwa mujibu wa chanzo makini ambacho ni mtu wa karibu wa mastaa hao, Wema na Snura walikuwa marafiki vinyonga kwani kila mtu alijua muda siyo mrefu watasalitiana na kuanza kuvujisha siri zao na hicho ndicho kilichotokea.
KISA NI NINI?
Kwa mujibu wa chanzo hicho, Wema alidai kuwa Snura amemsema vibaya kwa ndugu zake na kutangaza kwa wanahabari kuwa amerudiana na mwanamuziki Nasibu Abdul ‘Diamond Platnumz’, jambo ambalo lilimchukiza.
Chanzo kilitiririka kuwa baada ya urafiki huo kuvunjika, Wema alimnyang’anya Snura vitu vyote ambavyo alikuwa amemnunulia na kuanzia hapo mawasiliano baina yao yalikatika.
“Snura ameamua kuvunja kile kiapo alichokula runingani kwa machozi, sasa sijui atapata wapi yale mawigi aliyokuwa akipewa na Wema?,” kilihoji chanzo na kuingia mitini.
SNURA ANASEMAJE?
Alifunguka: “Mimi sijui sababu ya urafiki wetu kuvunjika kwa sababu Wema hajaniambia, angekuwa ni mtu mwenye akili na busara angenieleza.”
NYUMBANI KWA WEMA
Ili kupata mzani wa habari hiyo, Ijumaa Wikienda lilimpigia simu Wema lakini haikupokelewa hivyo likatimba nyumbani kwake ambapo wakiongozwa na Vincent Kigosi ‘Ray’, wasanii hao walitumia nafasi yao kumkashifu mwandishi wetu kwa maneno mabaya yasiyoandikika gazetini, tunayafanyia kazi.

GAZETI LA IJUMAA WIKIENDA

AMANDA HATAKI NDOA TENA

 

Tamrina Poshi ‘Amanda’.

MSANII wa filamu Bongo, Tamrina Poshi ‘Amanda’ amefunguka kuwa hataki kusikia habari ya ndoa kwani ameshaonja uchungu na utamu wake.
Akichezesha taya na Mbovumbovu za Mastaa, Amanda alisema kwa sasa hafikirii suala la ndoa na badala yake ataishi katika uhusiano wa kimapenzi tu na mtu kwani ni vigumu kwa mwanamke kukaa bila kuwa na mwanaume.
“Sitaki hata kusikia ndoa kwa sababu nimeshaonja kwa aliyekuwa mume wangu Hamis Bwela kwa hiyo sina wazo kabisa labda itakuja kutokea hapo baadaye lakini kwa sasa ninaweka nguvu zangu katika kazi tu,” alisema Amanda

SIMTEGEMEI MWANAUME KATIKA KAZI ZANGU-ODAMA

MWIGIZAJI na mtayarishaji wa filamu za Swahiliwood, Jennifer Kyaka 'Odama', amefunguka kwa kusema kuwa anafanya kazi zake ikiwamo kuendesha kampuni ya J- Film 4 Life Production bila ya kumtegemea mwanaume yeyote.

Anasema yeye si mwanamke tegemezi kiasi cha kushindwa kutafuta fedha kwa ajili ya kuendesha mambo yake.

"Binafsi huwa sipendi kumtegemea wanaume, unajua kufanya hivyo mtu hutaweza kupiga hatua. Maendeleo yangu hayatokana na mwanaume, bali ni juhudi zangu," alisema.

"Huwa nafanya kazi kwa nguvu na kujituma zaidi ili kufikia malengo yangu, kuna changamoto nyingi sana katika kazi zetu hasa kwa mabinti.

"Ili usimame, ni lazima ujitoe kwa ajili ya kufanya kazi, natumia muda mwingi kuandaa filamu zangu lakini pia hata kazi za watu wengine ambao ni wateja wangu, sitaki kuwa tegemezi katika maisha yangu."

Odama alisema kuwa anajiona kuwa ni mwanamke jasiri kwani tangu afungue kampuni hiyo, tayari ana zaidi ya filamu 9 alizotengeneza. Kwake ni mafanikio makubwa.

Alisema pia kuwa kwa kutumia kampuni yake, amejipangia kwa mwaka mzima atengeneze filamu tano tu.

"Katika hizo najua pia nitakuwa nimetoa ajira kwa wasanii na watunzi wa miswada ya filamu za watu mbalimbali," alisema.

Source: http://syagalove.blogspot.com/2012/07/sitegemei-mwanaume-katika-kazi-zangu.html

“WIVU WA WANAUME NDIYO UNAONIFANYA NISIOLEWE MAPEMA” – SHILOLE…!!

MSANII anayefanya vizuri kwenye muziki kwa sasa ‘Shilole’, ameSEMA kuwa baada ya kuachana na mume wake kitambo amekuwa akitafuta mwanaume mwingine wa kumuoa lakini kila anayempata anakuwa na wa wivu kupiliza na ndiyo sababu inayomfanya aendelee kuishi mwenyewe kwani haitaji maisha ya kubanwa kama mtoto mdogo.

Shilole kwa sasa anatamba na ngoma yake inachokwenda kwa jina la ‘Dudu’, aliyokiachia hivi karibuni, ambapo
ndani ya ngoma hiyo anaongelea maisha ya ndoa.

Kauli ya msanii huyo, ilikuja baada ya kuzungumza na mwandishi aliyetaka kujua baada ya kuachana na mume wake
kitambo sasa anafanya mchakato gani utakaomuondoa kwenye upweke, ambapo alidai kila mwanaume anayempata amekuwa na wivu wa kupiliza kwani anaamini wakifunga ndoa wivu unaweza kupiliza zaidi.

“Yani mwanaume sijafunga naye ndoa tumekuwa wapenzi tu analeta wivu kiasi kwamba nikiwa kwenye himaya yake si itakuwa balaa, yani hapo tu ndiyo nachoka na suala la kuolewa kwani mi sitaki maisha ya kufugwa kama kuku,” alisema.

Hata hivyo kutokana na ishu hiyo ya kutoka na wanaume wengi ili kujua nani mwenye mapenzi ya dhati kunamfanya aonekane hajatulia lakini anaamini lengo lake ni kupata mwaume mwenye mapenzi ya dhati ingawa kila anayempata si yule anayetarajia.

ANT LULU BALAA!

AMEPATAJE MAKALIO HAYO?
“Makalio yangu nimeyarithi kutoka kwa mama yangu mzazi, japokuwa nikiwa mdogo nilikuwa mwembamba lakini nilivyokuwa mtu mzima ndiyo limekuja lenyewe hivi kama unavyoliona.”
USUMBUFU ANAOKUTANA NAO
“Napata usumbufu mkubwa sana, kila ninakopita wanaume wananiita pia nimekuwa nikipata mialiko mingi sana kutoka kwa wanaume wa sehemu  mbalimbali ambao hata siwafahamu.”
JE, ANATAMANI KUPUNGUA?
“Weeee……thubutu! Sitamani hata kidogo kupungua kwa sababu makalio yangu nayapenda sana, pia yananipa faraja kubwa yaani Mungu amenipendelea.”
KUHUSU MAVAZI YAKE
“Napenda kuvaa nguo zinazoachia mwili wangu kama gauni, huwa najisikia niko huru zaidi.
SAIZI YA NGUO YA NDANI
“Sijui saizi ninayovaa maana sivaagi kufuli kwa sababu nikivaa huwa najikuna sana kutokana na hali ya joto.”

NDOA YA UWOYA YASUKWA UPYA

Irene Uwoya na mumewe Hamad Ndikumana ‘Kataut’.

NDOA ya staa wa filamu Bongo, Irene Uwoya na Hamad Ndikumana ‘Kataut’ ina dalili za kurejea kwenye hali ya amani baada ya kuwepo kwa taarifa kuwa, kuna vikao vinafanyika kwa lengo la kuihuisha.
Chanzo chetu kilichoomba hifadhi ya jina lake ambacho ni mmoja kati ya marafiki wa Irene kililitonya kuwa, yeye na watu wengine wa karibu wa msanii huyo wamedhamiria kuwarudisha wawili hao kwenye furaha kwani wanaamini bado wanapendana.
“Tunachokifanya sasa tunakutana mara kwa mara kuangalia kama tunaweza kutumia mbinu gani kuhakikisha ndoa ya Uwoya na Ndikumana inatengemaa. Kwa kifupi tunaisuka upya,” alidai sosi huyo na kuongeza:
“Unajua kwa watu unaowapenda huwezi kufurahi kuwaona wakiwa mbali, sisi tunaamini tutafanikiwa katika hili, tunajua Irene anampenda Ndiku na Ndiku anampenda Irene ‘so’ ni lazima kieleweke.
Baada ya kunyetishiwa habari hiyo.Tulimtafuta Irene ili kujua kama anajua lolote kuhusiana na vikao hivyo lakini hakuweza kupatikana.
Hata hivyo, Ndikumana aliwahi kuongea na moja ya magazeti ya Global Publishers na kusema kuwa hajavunja ndoa na Irene hivyo inaaminika siku yoyote mambo yatakuwa freshi.

MAUNDA ZORRO AKIMBILIA BONGO MOVIE...

Baada ya Maunda Zorro kuwa nje ya game yake kwa muda wa takribani miaka minne now she’s back but round hii kwenye movie scene.

Kwa mujibu wa Maunda Zorro ni kwamba ukimya wake ulitokana na kuwa bussy location akiigiza movie inayotarajiwa kutoka hivi sasa kwa jina la “Room Number 13” chini ya kampuni ya ZG iliyopo Zanzibar ambayo ndani yake amecheza kama ghost.

Je  anaacha mziki,???... “Siwezi kuacha mziki. Pamoja na kuwa  kimya nilikuwa  na-record ngoma ambazo management yake ilikuwa ikizizuia kuzitoa na hadi leo sijui inakuweje“- Maunda Zorro.

MWAKIFAMBA AWAPIGIA MAGOTI BONGO MOVIE

Simon Mwakifamba

 

Jacob Steven ‘JB’

RAIS wa Shirikisho la Filamu Tanzania, Simon Mwakifamba, juzikati aliwapigia magoti wasanii wa Bongo Movie akijishusha na kuomba radhi kwa yote aliyokuwa akikwazana nao kabla ya kukaa chini na kuzungumza.
Tukio la kiongozi huyo kushusha goti chini kwa wasanii hao lilijiri Agosti 15, mwaka huu ndani ya Viwanja vya Leaders Club, Kinondoni jijini Dar es Salaam, mara baada ya Mwakifamba kuanza kuhutubia kikao kilichokuwa na lengo la wasanii kuungana kupinga wizi wa kazi zao.
Mwakifamba alisema kuwa umefikia wakati wake wa kujishusha ili kuifanya tasnia hiyo kuwa kitu kimoja na waweze kutimiza malengo yao.
MSIKILIZE JAMAA ALIVYOSHUKA
“Ndugu zangu na wasanii wenzangu, leo ni siku ya pekee ambapo nafarijika kwa kukutana na umati wa wasanii wenzangu wa tasnia hii ya filamu, hivyo basi kufuatia mambo mengi yaliyokuwepo baina yetu,  leo napenda kuitambua rasmi Bongo Movie na kuomba radhi kwa yote mabaya niliyowahi kuyasema hapo nyuma.
“Baada ya kuomba radhi sasa nawaomba wasanii wote kuanzia leo hii tushikamane na tuweze kutokomeza wimbi la wizi wa kazi zetu,’ alisema Mwakifamba.
MWENYEKITI WA BONGO MOVIE ‘JB’ AMWONGELEA MWAKIFAMBA NJE YA JUKWAA
Akizungumzia kujirudi kwa Mwakifamba, Mwenyekiti wa Bongo Movie Club, Jacob Steven ‘JB’ alisema bosi mwenzake huyo amefanya jambo lenye heshima miongoni mwao na akasisitiza mshikamano baina yao kuanzia siku hiyo.
“Naweza kusema kuwa, Mwakifamba ameonesha jambo la heshima na kitendo chake cha kusema yaliyopita si ndwele tugange yajayo ni matokeo ya busara zake, tumempokea, tunaunga mkono mshikamano ili  wasanii tupige hatua, tunataka kupambana na wezi wa kazi zetu,” alisema JB.