JENIFFER KYAKA (ODAMA): J FIML 4 LIFE: MH. JANUARI MAKAMBA AMPONGEZA MCHEKESHAJI MASANJA MKANDAMIZAJI KWA JUHUDI ZAKE ZA KUMTEMBELEA OFISINI KWAKE NA KUZUNGUMZA MASWALA YA WAIMBAJI WA NYIMBO ZA INJILI. HAYA ALIYASEMA KATIKA UZINDUZI WA ABLAMU YA MESS JACOB CHENGULA SIKU YA JUMAPILI o2.03.2014 UBUNGO PLAZA

Tuesday, March 4, 2014

MH. JANUARI MAKAMBA AMPONGEZA MCHEKESHAJI MASANJA MKANDAMIZAJI KWA JUHUDI ZAKE ZA KUMTEMBELEA OFISINI KWAKE NA KUZUNGUMZA MASWALA YA WAIMBAJI WA NYIMBO ZA INJILI. HAYA ALIYASEMA KATIKA UZINDUZI WA ABLAMU YA MESS JACOB CHENGULA SIKU YA JUMAPILI o2.03.2014 UBUNGO PLAZA

Siku ya Jumapili ilikuwa ni siku ya furaha na ndelemo katika ukumbi tulivu wa Ubungo Plaza katika kukamilisha kusudi la Mungu juu ya mwimbaji maarufu Tanzania Mess Jacob Chengula alipokuwa akizindua albamu yake ya "Mungu Habadiliki" Tamasha hili lilisindikizwa na waimbaji zaidi ya 20 waliovamia jukwaa na kuwaacha watu kupagawa na uwepo wa Mungu ulioachiliwa kwa njia ya uimbaji. Viti vilikuwa havikaliki na kuwaacha ma-MC kuwa katika wakati mgumu sana wa kuwaomba watu wakae chini.

Mh. January Makamba wa pili kutoka kushoto

Kila mwimbaji aliimba kwa kiwango cha juu sana mpaka mgeni rasmi Mh Januari Makamba kuwaita baadhi ya waimbaji ili ashikane nao mkono kama ishara ya ku-appreciate kazi yao, mmojawapo alikuwa Edson Mwasabwite.

Baada ya uimbaji kufanyika, mgeni rasmi akiongozana na wachungaji na wazee wa kanisa kutoka katika kanisa la Mito ya Baraka kwa Askofu Mwakiborwa anakoabudu Mess Jacob Chengula walipanda jukwaani kwa lengo zima la kuiombea albamu ile na kuifungua rasmi.

Mgeni rasmi Januari Makamba alipomaliza kuizindua aliweza kuongea machache kuhusiana na waimbaji. Aliwapongeza waimbaji kwa ushirikiano wao waliuonyesha katika kumuunga mkono rafiki yao Mess Jacob Chengula. Alikipongeza Chama Cha Muziki Tanzania na viongozi wao kwa kazi nzuri wanayofanya kwa waimbaji wa nyimbo za Injili. Mh Januari Makamba aliwaalika viongozi wa Chama cha Muziki Tanzania na baadhi ya waimbaji kufika katika Bunge la Jamhuri ya Muungano ili waweze kutoa matatizo yao na changamoto wanazopata katika huduma yao ya uimbaji.

Mh. Januari Makamba aliweza kuwaonya waimbaji wa nyimbo za injili juu ya style za uchezaji ambazo hazina baraka kwa mwenyezi Mungu kuziacha na kucheza kama vile Mungu anavyotaka watu wake wamchezee. Pia aliwaonya wale waimbaji ambao wamebarikiwa na kuwa maarufu sana, waachane na tabia ya kujivuna na kujiona wao ni wao. Mbali na kuwaalika katika Bunge, pia aliwaomba waimbaji na viongozi kutosita kufika ofisini kwake muda wowote na hakuna mtu atakayeweza kuwazuia kumuona hata kama atakuwa na majukumu mengi, lakini katika masuala ya Mungu kwa kupitia waimbaji na viongozi wa nyimbo za injili yuko tayari kusimamisha kwa muda na kuwasikiliza.

Pia alimpongeza sana Mwingizaji na mchekeshaji Emmanuel Mgaya (Msanja Mkandamizaji) kwa juhudi zake za kumtembelea ofisini kwake na kuzunguza matatizo ya waimbaji wa nyimbo za injili Tanzania. Na hii imemfanya leo Mh. Januari Makamba kuwataka waimbaji kupanga siku ya kwenda Bungeni ili wakatoe matatizo yao kwa wakuu wa nchi.

Wimbaji wa nyimbo za Injili Tanzania

MDOGO WAKE NA MH.JANUARI MAKAMBA AKITAMBULISHA WATU WALIONGOZANA NA KAKA YAKE MH.JANUARI MAKAMBA

Mdogo wake na Mh. Januri Makamba

Mtoto wa Mh Januari Makamba akitambulishwa

Mh Januari Makamba akimwangalia mwanae wakati wa kutambulishwa

Mtangaza wa Passion FM Bwana Sanga

KIPINDI CHA WAIMBAJI KUACHIA MASONGI YA BWANA MUNGU WETU

Silas Mbise

Neema Gasper

KIPINDI CHA MESS JACOB CHENGULA KUINGIA UKUMBINI KWA MARA YA KWANZA

Mess Jacob Chengula akiongozana na Masanja Mkandamizaji wakiingia ukumbini

Watu wakimsindikiza Mess Jacob Chengula akielekea kwa Mgeni Rasmi Mh. Januari Makamba

Mh. Januari Makamba akisalimiana na baadhi ya waimbaji akiwemo Masanja Mkandamizaji, Bony Mwaitege na wengine wengi waliomsindikiza Mess Jacob Chengula katika High Table

Mess Jacob Chengula akisalimina na mdogo wake na Mh. Januari Makamba na kulia ni mwanae na mheshimiwa

Bony Mwaitege

Kulia ni Mess kabla ya kuzindua albamu yake akiwa katika pozi baada ya kumaliza zoezi la kuwasalimia wageni waalikwa waliokaa katika High Table ya Mh. Janauari Makamba